1 Хомустахская федеральная сельская модельная библиотека нового поколения «Эйгэ»

4 күн. О5олор “Алгыстаах сахам тыла” интеллектуальнай оонньууга икки командаҕа арахсан күрэхтэстилэр. Оонньуу «Своя игра» ТВ версиятынан «Харах», «Кини кимий»?», «Өс хоһоону салҕаа», «Тылбаас» уонна «Саха остуоруйалара» темаларынан ыытылынна. Түмүккэ «Айхал» хамаанда 4 тыһ. баалланна, оттон «Мичил» — 4800 баалы ылан кыайыылааҕынан таҕыста. Оонньуу кэннэ оҕолор библиотека суруттарар сурунаалларыттан тугу интэриэһиргээн аахпыттарын кэпсээтилэр.

5 күн. Россияҕа Эколог күнэ, Аан дойдуга Тулалыыр эйгэни харыстааһын күнэ. Биллиилээх оҕо суруйааччыта Көстөкүүн Туйаарыскай 111 сылыгар аналлаах “Току-току, ньээм-ньээм” күн ыытылынна. «Күннүүн тэҥҥэ күлсүөххэ» диэн презентация көрдөрүлүннэ, оҕолор поэт хоһооннорун доргуччу аахтылар. Бу күн Тулалыыр эйгэни харыстааһын күнүнэн «Сортировка мусор — помогай родной земле!» интерактивнай оонньуунан түмүктэннэ.

6 күн. Пушкин күнэ: Нуучча улуу суруйааччыта А.С. Пушкин төрөөбүт күнүнэн оҕолор поэт остуоруйаларын таһынан саха биллиилээх суруйааччыларын — Сэмэн Данилов, Сэмэн Руфов, Василий Сивцев, Наталья Михалева-Сайа, Илья Чаҕылҕан, Баһылай Ушницкай-Сэки тылбаастарыгар Пушкин хоһооннорун дорҕоонноохтук аахтылар, ол кэннэ «Остуоруйа эйгэтигэр» интерактивнай оонньууга бэйэлэрин билиилэрин холоннулар. Бу оонньууга Пушкин остуоруйаларыгар элбэх сөптөөх эппиэти биэрэн Аргунова Айсиэнэ кыайыылааҕынан таҕыста.

7 күн. «Күөрчэх ШОУ» күрэх. Тэрээһин бастакы чааһыгар лааҕыр оҕолоро олохтоох суруйааччыны, СР суруйааччыларын Сойууһун чилиэнэ, улуустааҕы «Отуу уота» литературнай түмсүү салайааччытын А.М. Татаринов-Удьурҕайы кытта көрүстүлэр. Удьурҕай «Сахалыы оонньуурдар» кинигэтиттэн былыргы саха оонньуурдарын туһунан билиһиннэрдэ, ол кэннэ оҕолор ааптар кинигэтиттэн быһа тардан дорҕоонноохтук хоһооннору аахтылар. Лааҕырбыт иккис чааһыгар «Күөрчэх ШОУ» оонньууга «Хабылык» уолаттар уонна «Күөрчэх» кыргыттар хамаандалара бастыыр иһин күөн көрүстүлэр. Бастакы «Доҕоттордуун сахалыы оонньуубут» түһүмэххэ күөрчэҕи бириэмэҕэ эргитиигэ «Күөрчэх» хамаанда уопсайа 26.27 баалы ылан бастаата. Иккис — «Нам улууһун картатын таҥыыга» түһүмэххэ «Күөрчэх» хамаанда инниккилээтэ. Үһүс «Уу — олох төрдө» түһүмэххэ кыргыттар эмиэ инники күөҥҥэ таҕыстылар. Бүтэһик «Хартыынана таайыыга» хамаандалар тэҥнэстилэр. Түмүккэ «Күөрчэх» хамаанда бастаата.