1 Хомустахская федеральная сельская модельная библиотека нового поколения «Эйгэ»

8 күн. «Сахалыы тылдьыты сөпкө туттуу» библиотечнай уруок ыытылынна. «Саха тылын быһаарыылаах тылдьыта» кинигэ туһунан билиһиннэрии, сатаан туттарга үөрэтии. Сорудах: бэриллибит тыллары булу, булбут тылтан этии оҥорууга холонуу. Саха төрүт дорҕооннорун чиҥэтии, тыллары таһаарыы, хоһооннору ааҕыы таһынан сахалыы оонньуулар ыытылыннылар.

9 күн. Бүтүн Россиятааҕы «Гений места» проект чэрчитинэн уонна ыһыах кэмнэрэ чугаһаабытынан «Саха сатаабатаҕа суох» айар чаас буолла. Бу күн маастар Шестакова Ирина сиэлинэн, кылынан оҥорбут быыстапкатын уонна дьөһөгөй оҕотун туһунан билиһиннэрдэ. Кини салалтатынан уолаттар сиэлинэн массажер, оттон кыргыттарга Новгородова Анна оҕуруонан ытарҕа тиһэн оҥорорго үөрэттилэр. Хамаҕатта нэһилиэгин олохтооҕо, суруйааччы Н.Бурнашев-Куола Уола айар үлэтин билиһиннэрдибит. Кини «Үс өҥнөөх Арассыыйа былааҕа» хоһоонун үөрэттилэр.

10 күн. Бэс ыйын 12 күнэ — Россия күнэ. Бу бэлиэ күҥҥэ «Ааҕар эйгэ» сайыҥҥы сахалыы ааҕар лааҕырбыт сабыллыыта буолла. Бүтүн Россиятааҕы «Окна России» акцияҕа кытынныбыт. Оҕолор «Үс өҥнөөх Арассыыйа былааҕа» хоһоонун доргуччу аахтылар, араас көрдөөх оонньууларга кытыннылар, минньигэс астаах остуол тула олорон лааҕыр туһунан санааларын үллэһиннилэр, маннык лааҕыр туһалааҕын бэлиэтээтилэр, билбэтэхтэрин билбиттэриттэн астыммыттарын биллэрдилэр. Хас биирдии оҕо анал ааттар кыайыылаахтарынан буоллулар: “Өркөн Уолан” – Заровняев Айхал, “Булугас Боотур” — Николаев Тимур, “Дьулурҕан Боотур”- Ядреев Уйгулаан, “Бастыҥ Уолан” – Сивцев Мичил, “Саха Уолан” – Захаров Айыллаан, “Сулус Боотур”- Егоров Сандал, “Туйгун  Куо” – Аргунова Айсиэна, “Билии Куо ” – Рожина Виктория, “Сулусчаана Куо”- Константинова Кристина, “Уран Куо” – Колесова Амина, “Талба Куо” — Барашкова Диана, “Бастыҥ Куо”  — Окоемова Айхаана.

Оҕолоор, бу сайын устата элбэҕи ааҕыҥ, элбэх билиини сомсун!