1 Хомустахская федеральная сельская модельная библиотека нового поколения «Эйгэ»

Муус устар 23 күнүгэр Республикабыт күнүн көрсө Саха сирин библиотекаларыгар «Символы Якутии. Я патриот» төрөөбүт кыраайы билиигэ аналлаах биир кэлим олимпиада ыытылынна. Быйыл 10-с төгүлүн ыытыллар олимпиаданы СР НБ, ДТК-Оҕо киинэ, «Бастакылар хамсааһыннара» тэрийэн ыыттылар.

Олимпиада балаһыанньатынан 2-4, 5-8 кылаастарга тус-туһунан сорудахтар бэриллэллэр, хас биирдии сөп эппиэт аайы кыттааччы оҕо баал ылар. Быйыл 1 Хомустаах орто оскуолатыттан уопсайа 112 үөрэнээччи кыттыыны ылла: 2-4 кылааска диэри 50, 5-8 кылааска диэри 62 оҕо. Хас биирдии кыттааччыга ДТК-Оҕо киинин директорыттан (И.А. Дранаева) сертификат туттарылынна. Олимпиада ыйытыктара Саха сирин историятыгар сыһыаннаахтар, төрөөбүт кыраайы таптыырга уонна бэриниилээх буоларга туһуламмыттар.

Көхтөөх кыттыыны ылбыт үөрэнээччилэрбитигэр, кылаас салайааччыларыгар, оскуола салалтатыгар (дир. Атласова У.П.) махталбытын тиэрдэбит! Аныгыс олимпиадаҕа көрсүөххэ диэри! Оҕолоор, төрөөбүт дойдугут историятын ааҕыҥ, үөрэтиҥ, элбэх билиилээх буолуҥ!