1 Хомустахская федеральная сельская модельная библиотека нового поколения «Эйгэ»

   Аан дойдутааҕы доруобуйаларынан хааччахтаах дьон декадатын чэрчитинэн ахсынньы 23 күнүгэр «Түмсүү» балаҕаҥҥа “Үчүгэйиэн бу сиргэ!»  улуустааҕы тэрээһин буолан ааста.     Үөрүүлээх түгэн   олохтоох дьаһалта баһылыгын солбуйааччыта А.Г. Захаров э5эрдэ тылынан саҕаланна. Алексей Григорьевич ааһан эрэр сыл юбилярдарын: Г.Г. Баишевы – 65, Н.Н. Константиновы, З.В. Кривошапкинаны 70 саастарын туолбуттарынан эҕэрдэ суруктары, бэлэхтэри туттартаата. “За вклад в развитие СП “Хомустахский 1-й наслег” бэлиэ “Үргэл” түмсүү салайааччытыгар Т.А. Березкинаҕа уонна З.В. Кривошапкинаҕа туттарылынна. “Үргэл” түмсүү көхтөөх кыттааччылара Феоктистов И.М., Васильев С.В., Кривошапкина В.И., Степанова З.И. Дмитриева Е.М. махтал суруктарынан бэлиэтэннилэр.   “Алгыс” НАК уус-уран салайааччыта  В.В. Константинов ылбаҕай ырыатынан мустубут дьону эҕэрдэлээтэ.  

    Бу күнү “Саҥа дьыллааҕы киэргэл” күрэх кыттааччыларын бэйэ илиитинэн оҥоһуктарын быыстапкалара киэргэттэ. Күрэххэ 12 кыттааччыттан 21 араас техниканан, материаллартан оҥоһуллубут  үлэлэр көрдөрүлүннүлэр. Дьүүллүүр сүбэ быһаарыытынан 1 миэстэни Варвара Константинова (1 Хомустаах), 2 миэстэни Казимира Васильева (Хатырык), 3 миэстэни Соловьева Александра (Бөтүҥ) ыллылар. Үлэлэри сыаналаатылар З.И. Степанова, Н.Д. Жиркова.    “Эйгэ” библиотека үлэһиттэрэ ыыппыт “Кистэлэҥнээх таайбараҥнар” оонньуута бэрт сэргэхтик ааста. Ыалдьыттар икки -“Дьөһөгөйдөр” уонна “Эрэллэр”  хамаандаҕа арахсан  5 тууру ааһан, түмүккэ тэҥ баалы ылан, доҕордоһуу кыайда. Литературнай викторинаҕа Хатырыктан сылдьар Ноговицын Прокопий элбэх сөптөөх эппиэти биэрэн кыайыылааҕынан таҕыста.   Улуустааҕы инбэлииттэр түмсүүлэрин салайааччыта М.Д. Литвинова үтүөнү-кэрэни баҕаран туран, тоҕус киһиэхэ членскэй билиэт туттартаата.     Бүтэһиккэ хас биирдии ыалдьыт кэлэр саҥа сыл билгэтин талан ылан инникигэ сырдык эрэллээх үөрүүнү биллилэр.     

   Түмүктүүр чааска мустубут дьоҥҥо Саҥа дьыл тыынын биллэрэн бенгальскай уоту уматан минньигэс туордунан күндүлээһин буолла. толору астаах сандалы тула олорон итии чэйдээх остуолга ирэ-хоро кэпсэтэн, бэйэ-бэйэҕэ махтал тылларын анаан, тэрээһини хаартыскаҕа түһүүнэн түмүктээтибит.    

Дьону түмэр, аралдьытар, олоххо көхтөрүн өрө көтөҕөр сыаллаах-соруктаах тэрээһиҥҥэ, ахсынньы ый аам-даам тымныытын аахсыбакка Хатырык, Аппааны, Нам, Хамаҕатта, Үөдэй нэһилиэктэриттэн кэлэн көхтөөх кыттыыны ылбыттарыгар, “Алгыс” НАК уус-уран салайааччытыгар В.В. Константиновка уонна ди-джей Александр Рязанскайга, “Эйгэ” саҥа көлүөнэ библиотека үлэһиттэригэр, минньигэс туордунан күндүлээбит П.В. Винокуроваҕа «Үргэл» түмсүү салайааччыта Т.А. Березкина дириҥ махталын биллэрдэ.