1 Хомустахская федеральная сельская модельная библиотека нового поколения «Эйгэ»

Ахсынньы 9 күнэ – А5а дойду Дьоруойдарын күнэ. Бу кун эйэлээх олох туһугар сэриигэ кыттыбыт буойуттарбытын ахтан санаан ааһар, махтанар күн. Биһиги нэһилиэкпитигэр анал байыаннай дьайыыга сылдьыбыт биир дойдулаахтарбытыгар аналлаах “Умнубаппыт, киэн туттабыт!” патриотическэй чаас ыытылынна. Библиотека аа5ар саалатыгар анал байыаннай дьайыы кыттыылаахтарын тереппуттэрэ, дьиэ кэргэттэрэ, Д.Ф. Алексеев аатынан орто оскуола учууталлара, урдуку кылаас уерэнээччилэрэ, нэhилиэк общественноhа кыттыыны ыллылар.

Тэрээhин бастакы чааhа «Хомустаах Ньургуннара» оскуола урдуку кылааhын уолаттарын уус-уран дьуhуйуулэринэн са5аланна, ол кэннэ сырдык тыыннара быстыбыт биир дойдулаахтарбытын чиэстээн биир мүнүүтэлээх тохтобул биллэриллибитэ.

Дойдуларын туһугар сырдык тыыннарын толук уурбут хорсун-хоодуот уолаттарбытын уерэппит учууталлара, до5отторо, бииргэ уерэммиттэрэ, коллегалара утуе тылынан ахтан-санаан аастылар: Ньургун Федорович Новгородов туһунан «Эрэл» ыччат тумсуутугэр бииргэ улэлээбит Т.А. Алексеева, Попов Роман Романович, Абдульманов Владимир Валентинович туһунан оскуолаҕа бииргэ үөрэммит доҕотторо Т.А. Жиркова, А.Г. Захаров, Николай Николаевич Березкин туһунан үөрэппит учуутала А. А. Томская, Терентьев Евгений Гаврильевич туһунан кэргэнэ Евдокия Валерьевна, Иван Григорьевич Гореев туһунан кэргэнэ Таисия Гаврильевна, “Улыбка” оҕо уһуйааныгар бииргэ үлэлээбит коллегата Л.Н. Попова, Яковлев Иван Иванович туhунан эдьиийэ Н.Д. Жиркова. Биир дойдулаахпыт, анал байыаннай дьайыы ветерана, «Боотур» этэрээт байыаhа Дмитрий Колесов байыаннай эпэрээссийэ, бииргэ сулууспалаабыт уолаттарын хорсун быһыыларын туһунан кэпсээтэ.

Биһиги нэһилиэкпититтэн анал байыаннай дьайыыга кыттыбыт, ону тэҥэ сэрии толоонугар охтубут буойуттарбыт сырдык ааттарын үйэтитэр сыаллаах өйдөбүнньүк стела туһунан «Хомустаах 1-кы нэһилиэгэ» МТ баһылыгын солбуйааччы А. Г. Захаров, олохтоох дьаһалта специалиһа В. В. Ушаков уонна библиотека сэбиэдиссэйэ Н.Д. Жиркова кинигэ тахсыытын туhунан сырдаттылар.

Саха суруйааччыта Серафим Кулачиков-Эллэй “Герой ийэтигэр” хоһоону нэһилиэкпит эдэр ыччата Александр Рязанскай аа5ан, Елена Каменева “Милая мама” ырыаны ыллаан кэлбит дьон сурэ5ин уйадыттылар. Бу тугэннэ буойуттарбыт ийэлэригэр сибэкки дьербете туттарылынна. Сэрии буолбатын, хаан тохтубатын, биһиги ыччаттарбыт сырдык күннээх, ыраас халлааннаах эйэлээх кэмҥэ дьоллоохтук олороллорун туhугар “Эйэ, дьол иhин” ырыа кургуемунэн ылланна. «Эйгэ» сана келуенэ библиотеката бэлэмнээбит «Умнубаппыт, киэн туттабыт!» презентациятын уонна “Время героев: СВО честь  и отвага” быыстапкатын кердулэр, билистилэр.

Ийэ дойдуларын туһугар эдэркээн олохторун толук уурбут биир дойдулаахтарбыт сырдык ааттара үйэтитиллэ турдун, кинилэр хорсун быһыылара, ийэ дойдуга бэриниилээх буолуулара хаһан да умнуллубатын, кэлэр кэнчээри ыччаттарбытыгар бэриллэ турдун!