КИНИ кимий?!

14.02.2025
167
нет

Новости

Төрөөбүт төрүт тыл, сурук-бичик күнүгэр нэһилиэкпит общественнай түмсүүлэрин икки ардыларыгар «Саха» НКИХ ыытааччыта Георгий Белоусов бырайыагынан “Кини кимий?” интеллектуальнай күрэх аан бастакынан «Алгыс» НАК ыытылынна.

Бу күрэххэ ветераннар сэбиэттэрэ (сал. Ощепкова З.Е.), «Үргэл» инбэлииттэр түмсүүлэрэ (сал. Березкина Т.А.), «Эр сомоҕо» аҕалар түмсүүлэрэ (сал. Захаров А.А.), дьахтар сэбиэтэ (сал. Соловьева Т.Н.), «Ньургуһун» (сал. Колесова Н.С.), «Үс түмсүү» дьүөгэлэр (сал. Манькова Н.С.) үстүү кыттааччылаах уопсайа алта хамаанда күөн көрүстүлэр.

«Эйгэ» саҥа көлүөнэ библиотекатын үлэһиттэрэ бэлэмнээбит ыйытыктарыгар сөптөөх эппиэттэри биэрэн, элбэх баалы хомуйан ветераннар сэбиэттэрэ уонна «Эр сомоҕо» аҕалар түмсүүлэрэ муҥутуур кыайыылаах аатын ыллылар.

Бу тэрээһиҥҥэ «Улыбка» оҕо уһуйаанын коллектива (сал. Баишева Н.М.), Д.Ф.Алексеев аат. 1 Хомустаах орто оскуолатын 6 «б» кылааһын үөрэнээччилэрэ (сал. Кривошапкина Ж.А., Баишева В.И.) сахалыы хомоҕой хоһоон аахтылар, ырыанан эҕэрдэ тиэртилэр.

Түмүккэ уран тыллаах оһуохай таһаарааччылар Ирина Николаева, Урсун Винокуров оһуохай түһүлгэтин тэрийдилэр. Кыттыыны ылбыт дьоммутугар, көрөөччүлэргэ истиҥ махталбытын тиэрдэбит. Аныгыс көрсүөххэ диэри!