1 Хомустахская федеральная сельская модельная библиотека нового поколения «Эйгэ»

Олунньу ый 10 күнүттэн «Ийэ тыл — саха саргыта» кинигэ быыстапкатыттан саҕаламмыт төрөөбүт төрүт тыл, сурук-бичик күнүгэр анаммыт «Ийэ тыл сүмэтэ — сүрэхпэр» нэдиэлэ саҕаламмыта. Нэдиэлэ устата бэсиэдэлэр, кинигэ ырытыылара ыытылыннылар, презентациялар, тэттик видеолар көрдөрүлүннүлэр. Ону таһынан «Таптыыр сахам тылынан» республикатааҕы акцияҕа Д.Ф. Алексеев аатынан 1 Хомустаах орто оскуолатын 3 кылаастан 8 кылаас көхтөөх кыттыыны ыллылар. Уопсайа 68 оҕо сахалыы дьыктааны суруйууга бэйэтин холонон көрдө. Сахалыы уус-уран айымньы ис хоһоонун толору өйдөөн кыһаллан суруйдулар.
12-с төгүлүн ыытыллыбыт «Сахалыы дьыктаан» республикатааҕы акцияҕа Суорун Омоллоон «Чүөчээски» айымньытын 19 киһи суруйда, мантан 12 улахан киһи, 7 улахан кылаас үөрэнээччилэрэ. Дьыктааны суруйтардылар алын сүһүөх кылаас учууталлара Винокурова С.Н., Пинигина В.С., саха тылын уонна литературатын учууталлара Томская А.А., Сергеева М.Е. уонна библиотекардар Жиркова Н.Д., Сивцева Л.П.
Нэһилиэкпит салайааччыларыгар, олохтоохторугар, оскуола үөрэнээччилэригэр төрөөбүт норуокка патриотизм, таптал уонна убаастабыл санааларын, норуот төрүт үгэстэригэр, тылыгар харыстабыллаах сыһыаннаһыыны иитиигэ кыттыһыыгыт иһин барҕа махтал!