1 Хомустахская федеральная сельская модельная библиотека нового поколения «Эйгэ»

Биллиилээх общественнай-политическай деятель,

биир дойдулаахпыт Нь.С.Тимофеев төрөөбүт күнүн көрсө

«Ньургун Тимофеев олоҕуттан 7  олук»

интеллектуальнай күрэх   балаһыанньата

Күрэх сыала-соруга:

— Нь.С.Тимофеев олоҕун, айар үлэтин үөрэтии

— дойдуга, норуокка анаммыт үлэлэрин билиһиннэрии, тарҕатыы

— биир дойдулаахпыт аатынан киэн туттуу, үтүө аатын үйэтитии

Күрэх  балаҺыанньата:

• Күрэххэ ким баҕалаах кыттыыны ылар. Эппиэттэри олунньу ый 8 күнүгэр диэри — eyge20@mail.ru тутабыт, эбэтэр 89245677209, 89627362381 ыытыаххытын сөп. Күрэх түмүгэ олунньу ый 10 күнүгэр тахсар.

Күрэх түмүгэ: Кыайыылаах аатын ылбыт кыттааччы Дипломунан уонна “Тимофеевские чтения” 2 чаастан турар брошюранан наҕараадаланар.

Күрэх уопсайа 7 олуктан турар:

• 1 олук «Дьоллоох оҕо саас, дьиэ кэргэн»
• 2 олук «1 Хомустаах орто оскуолата»
• 3 олук «Студент кэрэ кэмнэрэ»
• 4 олук  «Спорт – олоҕун аргыһа»
• 5 олук «Алмаас эйгэтигэр»
• 6 олук «Патриот.Политик»
• 7 олук «Үтүө аатын үйэтитии»

1 олук. «Дьоллоох оҕо саас, дьиэ кэргэн»

1. Ньургун 1963 сыллаахха олунньу ый 7 күнүгэр төрөөбүтэ. Кини төрөппүттэрэ Анна Николаевна уонна Семен Никитич олохторун ханнык кэрчик кэмигэр Ньургун күн сирин көрбүтэй?
2. Ньургун төрөппүттэрэ аан бастаан үлэлээбит сирдэрэ?
3. 1 Хомустаах нэһилиэгэр Тимофеевтар дьиэ кэргэн хас сыллаахха көһөн кэлэн  олохсуйбуттарай?

2 олук «1 Хомустаах орто оскуолата»

1.Ньургун төрдүс кылааска үөрэнэ сылдьан ханнык  уруоктары сөбүлүүр этэй. Ол туһунан 1974 с. “Ленин суола” хаһыакка интервью биэрбитэ.

2.  9-с кылааска үөрэнэ сылдьан “Юный техник” сурунаал нөҥүө ханнык оскуолаҕа кэтэхтэн үөрэммитэй?

3.Оскуола үрдүкү кылаастарыгар үөрэнэ сылдьан сөбүлээн истэр ырыаһыта кимий?

3 олук «Студент кэрэ кэмнэрэ»

1.  Ньургун Семенович 1980-1985 сс. үрдүк үөрэххэ үөрэнэн физик-преподаватель идэтин ылбыта. Студенныы сылдьан СГУ Сэргэлээҕин хаһыс корпуһугар олорон үөрэммитэй?
2. СГУ кэннэ аспирантураҕа ханна үөрэммитэй?
3. Университет общественнай олоҕор көхтөөх кыттыытын иһин ханнык омук сиригэр баран сынньанар путевканан наҕараадаламмытай. Бу кини бастакы омук сиригэр тахсааһына этэ.

4 олук  «Спорт – олоҕун аргыһа”

1. 1984 с. студенныы сылдьан  сүүрүү ханнык көрүҥэр республиканскай рекорд олохтоон экс-рекордсмен аатын сүкпүтэй?
2. Кини быһаччы көҕүлээһининэн 2008 с. Тула куоракка ыытыллыбыт Бүтүн Россиятааҕы Чемпионакка саха спордун ханнык көрүҥүн киллэттэрбитэй? 
3. Нь.С.Тимофеев республикаҕа спорт сайдыытыгар улахан өҥөтүн иһин спорт ханнык көрүҥүн ассоциациятын лауреата буолбутай?

        5 олук «Алмаас эйгэтигэр»

1. Ньургун Тимофеев алмаас эйгэтигэр «Туймаада-Даймонд» техническай директорынан хас сыллаахха ананан үлэлии кэлбитэй?
2. Саха сиригэр  Ньургун Семенович өҥөтүнэн бастакы алмаас партиятын атыыта хас сыллаахха  тахсыбытай?
3.  СР Президенин иһинэн үлэлиир Алмаас Сэбиэтин салайааччытынан ханнык сылларга үлэлээбитэй?

       6 олук «Патриот.Политик»

 1. Ньургун Семенович политика эйгэтигэр аан бастаан хас сыллаахха кэлбитэй? 

2. Бастакы үлэлиир сылларыгар Ил Түмэн иһинэн эдэр ыччаттарга сыһыаннаах тугу тэрийбитэй?

3. Нам улууһугар 5 сыл устата депутатынан үлэлээбит «Үс төгүл үс» тус программатын чэрчитинэн үөрэҕирии, эдэр ыччаты өйөөһүн этэ. Нам улууһун үөрэнээччилэригэр, студеннарыгар аналлаах тугу тэрийбитэй?

7 олук «Үтүө аатын үйэтитии»

1. 91,76 карат ыйааһыннаах бөдөҥ алмааска Нь.С.Тимофеев аата хас сыллаахха инэриллибитэй?

2. Намнааҕы Олимпийскай эрэллэри бэлэмниир республикатааҕы спорт оскуолатыгар хас сыллаахха Нь.С.Тимофеев аатын иҥэрбиттэрэй?

3. “Бичик” кинигэ кыһатыгар “Саха республикатын чулуу дьоно” серия иһинэн “Ньургун Тимофеев” диэн кинигэ хаһан тахсыбытай?