1 Хомустахская федеральная сельская модельная библиотека нового поколения «Эйгэ»

Кулун тутар 25 күнүгэр Саха сиригэр Комсомол тэриллибитэ 105 сыллаах үбүлүөйэ. Бу күн 1921 сыллаахха Россия ыччат коммунистическай сойууһа (РКСМ) I-кы губернскай конференцията республикатааҕы комсомольскай тэрилтэни тэрийэр туһунан иһитиннэрии оҥорбута. Ол саҕана республика оройуоннарыгар 28 комсомольскай тэрилтэтигэр 625 чилиэн баара. Бастакы комсомол секретарынан Раиса Цугель талыллыбыта.

Бу үбүлүөйдээх кэм чэрчитинэн муус устар 3 күнүгэр «Эйгэ» библиотекаҕа «История Комсомола в песнях» диэн тематическай тэрээһин буолан ааста. Комсомол ветераннара Р.Р. Леонтьев, Т.Ф. Лаврентьева бочуоттаах ыалдьыттарынан буоллулар. Кинилэр эдэр саастарыгар комсомольскай үлэни салайбыт кэмнэрин ахтан-санаан аастылар, ол кэннэ тэрээһин кыттыылаахтара төлөннөөх Комсомол ырыаларын ыллаан, лозуннарын таайан, «Эн, Комсомол — мин дьолум!» ретро-зонаҕа хаартыскаҕа түһэн үйэтиттилэр. «Олоҕум доҕоро-Комсомол» викторина кыайыылааҕынан Леонтьев Р.Р. буолла.