1 Хомустахская федеральная сельская модельная библиотека нового поколения «Эйгэ»

Олунньу 24 күнүгэр «Эйгэ» саҥа көлүөнэ библиотекатыгар Аҕа дойдуну көмүскээччилэр күннэрин чэрчитинэн 9 (сал. В.Л. Захарова) уонна 10 (сал. Т.А. Жиркова) кылаас үөрэнээччилэригэр Эр санааланыы уруога «Библиотека как место памяти» программа иһинэн буолан ааста. Анал байыаннай дьайыыга сылдьан сырдык тыынын толук уурбут «Участник боевых действий Чечни», «За службу на Кавказе», «Долг и честь», «За отвагу и мужество», «За кровь и храбрость» уода. бойобуой бэлиэ хаһаайына Н.Н. Березкин сырдык кэриэһигэр ананна. Уруок сыалынан-соругунан: Украина анал байыаннай дьайыытыгар кыттыбыт уонна кытта сылдьар биир дойдулаахтарбыт бойобуой суолларын үөрэтии, үтүө ааттарын үйэтитии буолар. Оҕолорго Николай Березкин олоҕун кэрчик кэмнэрин кэпсиир «Биир дойдулаахпыт Николай Березкин» презентация көрдөрүлүннэ, «Николай Березкин бойобуой суола» брошюраны, «Защитникам Отечества» кинигэ быыстапкатын билистилэр. Ону тэҥэ библиотека сайтын «Истории мужества и отваги бойцов-якутян» диэн электроннай ресурсатыттан — Саха сиригэр 12 Россия геройдара баарын биллилэр. Бу эр санаа уруога оҕолорбутугар Ийэ дойдуну таптыырга үтүө өйдөбүллэри, патриотическай санааны хаалларда диэн эрэнэбит.