1 Хомустахская федеральная сельская модельная библиотека нового поколения «Эйгэ»

Ааҕар дьиэ

Өркөн өй кэхтибэт быйаҥын,
Дьиҥ Таптал кэрэхсэл кылаатын
Үйэҕэ түмэҥҥин, мунньаҥҥын,
Банаардаах уотунан сырдыыгын.

Ааҕар дьиэ, ааҕар дьиэ барахсан-
Үүнүүлээх чуумпубут уйата,
Күүрүүлээх олоххо угуйар
Билиигэ дабааммыт кыһата.

Ааҕарга үөрэммит кырачаан
Алыптаах дойдута буолаҥҥын,
Арыллар хараҕын иннигэр
Тэлгэттиҥ кинигэ муораҕын.

Учуутал, сылгыһыт, эмчит да
Эркээйи сырдыгы буланнар,
Кэскили үлэнэн дабата
Кэҥээбит саҕахтаах хаамаллар.

Махталлаах дьон-норуот ырыата
Дуорайыа эн ааккар өрүүтүн,
Билиибит сырдыгын саната,
Үрдүгэр сандаарыа уоттаах күн!
В.Хон, Дьокуускай к.

Намнааҕы З.П. Винокуров аатынан Оҕо искусствотын оскуолатын 1 Хомустаах филиалын художественнай салаатын үөрэнээччилэрин үлэлэрин билсиҥ, көрүҥ! Уһуйааччылар Иванова Ю.М. уонна Татаринова С.Э.