1 Хомустахская федеральная сельская модельная библиотека нового поколения «Эйгэ»

Сэтинньи 9 күнүгэр, 11 чаастан “Эйгэ” саҥа көлүөнэ библиотекатыгар «Алгыс От» түмсүү үлэһиттэрин кытта семинар буолан ааста.

«Уйгулаах Ас» телеграм канал ааптара Виктория Петрова бу тэрээһин кыттыылаахтарыгар дойдубут эмтээх отторун аска сөптөөхтүк туһаныыга, үүнээйинэн, сир астарынан тума оҥорууга, ону тэҥэ
бэйэ аһытыытыгар (закваска) бурдук астарын кистэлэҥнэригэр маастар кылаас ыытан көрдөрдө.

Кэлбит ыалдьыттар доруобуйаҕа туһалаах оттон оҥоһуллубут минньигэс чэйдэри, саахара суох барыанньаны, солун тумалаах убаһа ойоҕоһун, үрүҥ астаах лэппиэскэни, килиэби дуоһуйа амсайдылар.

“Алгыс от” бэйэ оҥорбут продукцияларын: эт аска, балыкка, булт астарыгар анаан оҥоһуллубут тумалары, чэйдэри, сүһүөх, тымныйыы маастарын, доруоһата суох заквасканы, уулаах отонноох мэлиллибит Кэмпэндээйи тууһун уо.д.а. хамаҕатык атыыластылар.

Сахабыт сирин эмтээх отторун дьоҥҥо тарҕатар, билсиһиннэрэр соруктаах “Алгыс От” түмсүүтүгэр махтанан, инникитин ситиһиилээх үлэни баҕардылар.