1 Хомустахская федеральная сельская модельная библиотека нового поколения «Эйгэ»

Олунньу ый 10 күнүттэн «Сахам тылынан, сахам ойуутунан» кинигэ быыстапкатыттан саҕаламмыт төрөөбүт төрүт тыл, сурук-бичик күнүгэр анаммыт «Алаас сыттаах сахам тыла» нэдиэлэбит бүгүн 1 Хомустаах орто оскуолатын 8 кылааһын үөрэнээччилэрэ (сал. Захарова В.Л.) 11 төгүлүн ыытыллар «Сахалыы дьыктаан» республикатааҕы акцияҕа кыттыыларынан түмүктэннэ.

Оҕолор буойун суруйааччы Тимофей Сметанин «Кыайбыттар ыһыахтара» айымньытыттан 206 тыллаах диктант суруйдулар.
Сахалыы уус-уран айымньы ис хоһоонун толору өйдөөн уонна саха тылын таба суруйан 5 сыанаҕа суруйдулар — Попов Ньургустаан, Сивцева Намыына уонна Константинова Дарина.
Маны сэргэ «Мичийээнэ» (сал.Табунанова ЕМ), «Улыбка» (сал.Баишева Н.М.) оҕо уһуйааннарыгар эмиэ «Саха дьыктаан» акция ыытылынна.
Барыта холбоон 20 улахан киһи суруйбутуттан туйгун сыананы ылан «Бастыҥтан бастыҥ суруксут» буоллулар Сысолятина В. А., Жиркова Т.Н. уонна Иванова С.А. устата ыытыллыбыт тэрээһиннэрбитигэр «Таптыыр сахам тылынан» республикатааҕы акцияҕа кыттыыны ылбыт 4 кылаас (сал. Алексеева Т.А.), 7 кылаас (сал. Конникова М.Г.) уонна интеллект-курэхтэргэ, библиотечнай акцияларга кыттыбыт оҕолорбутугар, нэһилиэкпит олохтоохторугар, салайааччыларга төрөөбүт норуокка патриотизм, таптал уонна убаастабыл санааларын, норуот төрүт үгэстэригэр, тылыгар харыстабыллаах сыһыаннаһыыны иитиигэ кыттыһыыгыт иһин барҕа махтал!

Сахалыы төрүт тылы билиигэ кэнчээри ыччаты сирдиир ветеран учуутал М. Г. Степанова Сэмэн Новгородов латынныы алпаабытын оҥотторон аҕалан библиотекаҕа ис сүрэҕиттэн бэлэх ууммутугар махталбытын биллэрэбит.

Саҥа үйэ сайдар тыына — ыччат таптыыр сахам тыла!