1 Хомустахская федеральная сельская модельная библиотека нового поколения «Эйгэ»

Ахсынньы 4 күнүгэр «Эйгэ» саҥа көлүөнэ библиотекатыгар IV республикатааҕы алын сүһүөх кылаас үөрэнээччилэригэр аналлаах «Ааҕар түһүлгэ» литературнай күрэх буолан ааста. Быйылгы күрэх  оҕолорго анаан суруйбут бэйиэт, суруналыыс, Саха АССР култууратын үтүөлээх үлэһитэ К. Н. Дьячковскай-Туйаарыскай төрөөбүтэ 110 сылыгар ананна.

Күрэх  Д.Ф. Алексеев аат. орто оскуола алын сүһүөх кылаас учууталларын холбоһуга уонна «Эйгэ» саҥа көлүөнэ библиотеката көҕүлээһининэн ыытылынна. Күрэхпит сүрүн сыала-соруга алын сүһүөх кылаас оҕолорун ааҕыыга сыһыарыы, үбүлүөйдээх суруйааччылар олохторун уонна айымньыларын билиһиннэрии, айымньыларын үөрэтии буолар.

  Күрэххэ барыта 6 хамаанда кытынна. Ол курдук, Амматтан академик Л.В. Киренскай аат. лиссиэйэ, И.Д. Винокуров аат. Нам алын сүһүөх орто оскуолата, И.Е. Винокуров аат. Хатыҥ Арыы орто оскуолата,  М.В. Петрова аат. Таастаах ситэтэ суох орто оскуолата,  З.П. Саввин аатынан Үөдэй орто оскуолата уонна Д.Ф. Алексеев аат. 1 Хомустаах орто оскуолатын үөрэнээччилэрин  хамаандалара кытыннылар.

Быйылгы күрэх МАХ куйаар ситиминэн 3 түһүмэҕинэн барда. Кыттааччылар I-кы түһүмэххэ «Туйаарыскай олоҕун олуктара» диэн онлайн-викторина боппуруостарыгар бэриллибит бириэмэҕэ эппиэттээтилэр, II-c «Туйаарыскайы ааҕан баран…» түһүмэххэ хоһоону дорҕоонноохтук аахтылар уонна III-с «Көөчүөк» түһүмэххэ  хамаандалар видеоролик-реклама устан ыыттылар. 

I түһүмэххэ «Туйаарыскай олоҕун олуктара» диэн онлайн-викторинаҕа 1-кы миэстэни Үөдэй, 2 миэстэни , 3-с миэстэни «Күнчээн» (Бөтүҥ) хамаандалар ыллылар. II-с «Туйаарыскайы ааҕан баран…» 1-кы миэстэҕэ — Таастаах, 2 миэстэҕэ — Үөдэй, 3 миэстэҕэ — Нам хамаандалара тигистилэр. III-с «Көөчүөк» түһүмэххэ 1-кы — Нам, 2-с — Хатыҥ Арыы, 3-с  Үөдэй хамаандалара таҕыстылар. Уопсай түмүккэ 1 миэстэни Үөдэй орто оскуолатын хамаандата, 2-с миэстэҕэ Таастаах ситэтэ суох орто оскуолатын оҕолоро уонна 3-с миэстэҕэ Нам алын сүһүөх оскуолатын хамаандата ыллылар. 

Бары кыттыбыт хамаандаларга уонна тэрийээччилэргэ улахан махталбытын тиэрдэбит!