1 Хомустахская федеральная сельская модельная библиотека нового поколения «Эйгэ»

Бүгүн нэһилиэкпитигэр Ааҕар балаҕан тэриллибитэ 100 сылыгар «Мин сахалыы ааҕабын» бырайыак үлэтин саҕалаата.
Тэрээһин бастакы чааһа СР суруйааччыларын Сойууһун чилиэнэ, «Отуу уота» улуустааҕы литературнай түмсүү салайааччыта А.М. Татаринов-Удьурҕай 65 сааһыгар ананна.
1 Хомустаах орто оскуолатыттан директор У.П. Атласова, профсоюз салайааччыта В.С. Пинигина, «Алгыс» НАК директора А.Г. Мылаханова, «Эйгэ» саҥа көлүөнэ библиотекатын сэб. Н.Д. Жиркова эҕэрдэ тылларын тиэртилэр.
Иккис чааһыгар бу үйэлээх түгэн чэрчитинэн “Эйгэ” уонна 1 Хомустаах орто оскуолатын библиотекалара, саха тылын, литературатын учууталлара холбоһуктаах краеведческай ааҕыы олохтоох автордар айымньыларын билсиһиннэрэр сыаллаах «Төлөн» литературнай түмсүү чилиэннэрин кытары истиҥ, сэргэх көрсүһүү буолла.

Бу бырайыак сыл устата 11 кылаастан саҕалаан 1 кылаас үөрэнээччилэригэр тиийэ хабан үлэлиэхтээх.
Үөрэнээччилэр Нам улууһун суруйааччылартан саҕалаан саха народнай суруйааччыларын айымньыларын билсиэхтэрэ. Бырайыак “Түмсүү” балаҕаныгар ыйга 2 төгүл ыытыллыаҕа.