1 Хомустахская федеральная сельская модельная библиотека нового поколения «Эйгэ»

Алтынньы 16 күнүгэр «Сахалыы ааҕабыт» проект чэрчитинэн 4 кылаас үөрэнээччилэригэр (кыл. сал. Винокурова С. Н., библиотекарь Константинова Л. Г.) буойун-суруйааччы Тимофей Сметанин «Мэхээлэчээн булчут кэпсээннэрэ» айымньытынан уруок ыытылынна. Уруок бастакы чааһыгар оҕолор суруйааччы олоҕун, айар үлэтин туһунан билистилэр, иккис чааһыгар — Кэбээйи улууһун дьаһалтатын сакааһынан уһуллубут «Мэхээлэчээн булчут мүччүргэннээх сырыылара» кэпсээннэриттэн «Ийэм лэппиэскэтэ» көрдөөх мульткиинэни көрдүлэр.   Бу сэһэнинэн киинэ уһуллан саҥа күөх экраҥҥа буолаары турарын, киинэ  режиссера —  биһиги, намнар, биир дойдулаахпыт Александр Лукин буоларын биллилэр. Оттон Мишута диэн уол оҕо сүрүн оруолугар Искраттан 7 саастаах Дамир Дьяконов уһулла сылдьарын бэрт сэргии иһиттилэр. Бүтэһиккэ «Бэлэм буол» сурунаалга тохсунньу ыйтан тахсар Мэхээлээчээн туһунан комиксы билсэн биһирээтилэр.